लण्डन, अगष्ट २५, २०२५ – लन्डनस्थित केम्पटेन पार्कमा (आइतबार) सम्पन्न १६औ नेपाली मेलामा जम्मा ४४ वटा संघ, संस्थाको तर्फबाट नेपाली भेष भुषामा सजिएर झाँकी प्रदर्शनी गरिएकोथियो। यसैअवसरमा दक्षिण पुर्व क्षेत्रिय तमु धिँ लण्डनको तर्फबाट पनि झाँकी तथा ट्होँटे प्रदर्शन गरिएको थियो। यो ट्होँटे पर्व गुरुङ जातीहरुको मौलिक पर्व चैत महीनाको अन्तिममा गाउँ टोलका दाज्युभाईहरु मिलेर खेलिने फरक खालको विशेष पर्वको रुपमा लिईन्छ ।
नेपाली मेलामा ४४ वटा संस्थाहरुले सहभागी जनाएकोमा यो ट्होँटे पर्व विगतका केही बर्षहरुबाट अहिले सम्ममा १ मात्रा संस्थाको तर्फबाट उत्कृष्ट प्रदर्शनी गराउन सफल भएको संस्था हो साउथ ईष्ट रेजिनल तमु धिँ लण्डन ।
उक्त ट्होँटे तथा झाँकी प्रदर्शनीको जिम्मा समाजका सचिव कमल गुरुङले लिनुभएको थियो, भने यस पटक विगतका कमि कम्जोरीलाई सुधार गरेर अझ रोचक, मौलिक र उत्कृष्ट बनाउनको लागी समाजका वर्तमान अध्यक्ष शिव राम गुरुङ B.E.M. को निर्देशन तथा समाजका अग्रजहरुको सल्लाह अनुसार प्रस्तुत गरिएका थिए । यसमा पहिलो पङ्तिमा दुई जना भुतको रुपमा निवर्तमान अध्यक्ष पिके लामा, उपाध्यक्ष यम गुरुङको मौलिक ट्होँटे नाच थियो भने समाज सेवाको लागी ८१ बर्षीय रत्न बहादुर गुरुङले पनि भुतको पहिरनमा सहभागी जनाउनुभएका थिए भने अन्य थुप्रै दाज्युभाई हरुले विभिन्न मौलिक बावागाजा बजाएर अझ रोचक बनेको थियो।
सो अवसरमा तमुधिं यूकेका अध्यक्ष जुमकाजी गुरुङ, उपाध्यक्ष तथा मेला संयोजक कमल गुरुङ सहितका अग्रज तथा शुभेच्छुकहरूले संस्थालाई बधाई तथा शुभकामना दिएका छन् ।
ट्होँटे नाच, झाँकी प्रदर्शन र सांस्कृतिक झल्कोले मेलामा उपस्थित दर्शकलाई मातृभूमिको सम्झना दिलाएको सहभागीहरूको प्रतिक्रिया छ।
यस्ता चाडपर्वले मौलिक संस्कृतिको संरक्षणमा टेवा पुग्ने गरेको सचिव कमल गुरुङले बताए । ट्होटेँले सामाजिक एकताको सन्देश दिन्छ, आफ्नो समुदायका मानिसहरु भेला हुने, एकापासमा चिनजान गर्ने मौका पनि मिल्छ उहाले भने, “यो पर्व गुरुङहरुको पहिचान, संस्कार र संस्कृति संग गाँसिएको छ ।
कार्यक्रममा सहभागी सबैजनालाई संस्थाको तर्फबाट खाना र यातायात बन्दोबस्ता गरिएको थियो भने १५० बोतल मिनरल पानी, ५ बोतल ईस्क्वास, जम्बो थर्मसमा चिया समाजका कोषाध्यक्ष दिकपाल गुरुङले प्रायोजन गरेका थिए।
संस्थाका अध्यक्ष शिव राम गुरुङ B.E.M.द्वारा कार्यक्रम सफल तुल्याउनकोलागी प्रत्यक्ष, अप्रत्यक्ष सहयोगी तथा सहभागी जनाउनुहुने महानुभावहरुमा, अहोरात्रा खटिनु भएका संयोजक (सचिव) कमल गुरुङ लगायत सम्पूर्णलाई एक मुष्ठामा व्यक्तिगत तथा संस्थाको तर्फबाट हार्दिक आभार प्रकट ।
आगामी दिनमा पनि यस्तै साथ र समर्थन रहेमा अझ उत्कृष्ट प्रस्तुति हुने बारेमा संयोजक (सचिव)